第四波疫情嚴峻之際,佐敦一度被封區,東至吳松街、南至南京街、西至炮台街、北至甘肅街。該區居民大部分係少數族裔,同時少數族裔確診數字上升,亦引發社會上部分市民猜疑少數族裔。 

近日就有網民喺網上討論區「親子王國」發文,稱月租1萬多元嘅3房住宅放租,有幾位經紀致電怯怯地問,「會唔會考慮租畀有色人士」。帖主問其他網民「你地有無試過租畀啲咩租客,又試過有咩後果嗎?」,並指好奇點解經紀們都咁隱晦講租客國籍。 

有部分網民表明抗拒少數族裔,「有味係其次,唔係歧視,有色人種比較喜歡熱鬧,分分鐘你一間屋住到幾家人,佢哋啲小朋友又比較自由奔放,間屋收返時如果你預咗會大執應該都冇問題」有人說,「情願租比內地人,一定唔會租畀比有色人士,準時交租都咁話,收樓一定好震撼」 

雖然帖文以負面居多,但有人認為,「其實唔好一竹篙打一船人,有啲(少數族裔)租客係好好」、「工作接觸南亞,父母都努力工作,間屋算企理」,亦有指唔係歧視(少數族裔),真係成層樓都好重咖喱味為人的確係友善 

社會上彌漫唔信任少數族裔嘅氣氛。有見及此,平機會主席朱敏健撰文【附評論文章】新冠病毒這個無形敵人,令人感到無助令人好容易責備憤怒矛頭,指向代罪羔羊。又舉例指,國內人士疫情爆發初期成為眾矢之的,後來跳舞群組人士外籍家庭傭工針對,及至近日矛頭指向油尖旺區少數族裔群體。

又懇切表示,「如果將他們污名化、標籤和指責整個階層或群體,並不公平又指市民應謹記確診者只一小撮人,將少數族裔群體概括以偏蓋全,作一個大群體而論,不單是錯誤,更是危險的誤導,只會加深社會鴻溝和加劇矛盾,對抗疫工作毫無建設性作用 

資料來源︰親子王國;平等機會委員會

圖片︰Unsplash@Tom Lau