清潔工人每日做住厭惡性嘅工作,但就只能夠賺取微薄嘅人工,有網民更目睹清潔工人要喺廁所入面食飯,令人心痛!

有網民喺facebook群組「PLAY HARD 玩硬」上載圖片,斥「香港政府,真係要檢討吓,食飯食到要咁樣!」相片可見,一位男清潔工人坐喺公廁嘅垃圾桶旁邊食飯,場面令人心酸。呢張相引起網民熱烈回應,有人認出事發地點係青衣長康邨嘅一個公廁,仲問:「長康呢個廁所出邊有位坐,其實做乜唔坐出面」。有網民回應指,因為「絕大部份清潔工友都係要屈喺洗手間入面食飯,如果唔係有食環人員嚟到檢查,會舉報佢地擅離職守……」唔少網民感到心痛:「睇到好心噏」、「其實咁樣對待工友好唔人道,邊有人想對住啲排洩物食飯休息……點解要咁樣壓窄工友」、「政府,外判商覺得佢地讀書少,無技能下下都壓人薪金」、「如果,無咗依班清潔工人,香港有幾多人可以放下身段,承擔依份工作」。

圖:FB@ PLAY HARD 玩硬