好多人買嘢都會睇賣相、睇包裝,就算品質一樣咁好,但賣相差小小真係往往擺到爛都無人買,最後要被人丟落堆填區,又浪費又唔環保。日本有位農夫就將啲生到奇形怪狀、無人問津嘅蘿蔔,用可愛表情包裝,最後唔單止賣得出,更成為人氣商品添!

蔬果保鮮期有限,唔擺得耐,所以生到三尖八角嘅蔬菜,好多時都會被人遺棄,就好啲呢啲生得騎呢嘅蘿蔔咁。只不過,日本呢位農夫就用一啲可愛表情將呢堆無人問津嘅蘿蔔重新包裝起嚟,成件事即刻唔同曬!呢堆奇怪蘿蔔搖身一變成為當地人氣商品,仲上埋電視添!農夫仲話,通常呢類奇形怪狀嘅蘿蔔,味道都會特別好食。

圖:Twitter@tsuji_farm