相信每個人都會用過原字筆寫字,但你又有無諗過原字筆都可以用嚟畫畫?外國有一位畫家就將藍色原子筆用到出神入化,並喺5年間畫咗多幅幾乎同照片一樣嘅肖像畫,實在令人歎為觀止。

畫家 Oscar Ukonu 擅長以藍色原子筆畫肖像畫,而佢嘅作品更加十分細緻,睇落去就好似一張用咗藍色濾鏡嘅照片。令人意外嘅係, Oscar 原來從未學過畫畫,而佢常用嘅細線法(Hatching)、交叉線法(Crosshatching),以及塗鴉(scribbling)等作畫技巧都喺佢自學所得。


Oscar 每次作畫前都會為對象影大概100張照片,再從中揀20張出來作參考。每幅作品大約需時6周完成,而佢更加會用上10支原子筆,去避免筆尖因磨損而漏墨。不過最麻煩嘅都係原子筆唔可以用擦膠作「修改」,所以畫畫時絕對唔可以失誤。


圖片來源:Instagram@oscarukonu