政府早前喺油麻地至佐敦一帶發現過百宗新型冠狀病毒肺炎確診個案,涉及56幢大廈,而且區域內多幢大廈嘅污水樣本對病毒嘅檢測結果呈陽性,於是封鎖附近一帶,強制區內人士要留喺處所接受檢測。而懲教署就住呢次「受限區域」強制檢測,共派出超過230名懲教人員參與協助檢測工作。

而呢批協助檢測工作嘅懲教人員入面,有十幾名非華裔職員,佢哋來自泰國、尼泊爾、印度及巴基斯坦,大家都無分彼此,一起齊心為香港抗疫而出一分力。

圖:懲教署