近日一位日本網民去到一個已荒廢嘅遊樂園「甲賀Family Land」探險,但佢竟然發現園內失修多時嘅摩天輪一直自行轉動,並發出相當大嘅噪音,相當詭異。由於該網民有拍下影片作紀錄,所以事件隨即成為網絡熱話,而網民更紛紛討論摩天輪「自轉」嘅原因。

從該網民分享嘅影片所見,雖然摩天輪嘅支架生銹殘破,每個車卡嘅玻璃亦已經破裂,但佢卻一直緩慢地「自轉」,並發出相當大嘅噪音。而該網民更表示,自己想坐上摩天輪搭一圈,但礙於大部分車卡嘅底部已經破損,而且摩天輪有隨時停低嘅可能,所以佢亦只好作罷。


由於「甲賀Family Land」喺1985年停業後就一傳出一些天花亂墜嘅「都市傳說」,所以今次嘅事件就引嚟唔少網民熱議。不過有網民就指該摩天輪因為設計問題,只要有適量嘅風力就會令摩天輪開始緩緩轉動,而所謂嘅「都市傳說」都只係有人「加鹽加醋」後而成嘅。


圖片來源:Twitter@7dan