由於疫情關係,大家都無機會出外旅遊,不過咁樣反而俾機會大家好好認識香港之美!早前漁護署舉行咗「光影‧赤灣」攝影比賽,透過鏡頭記錄香港嘅自然生態同地理景觀。

透過鏡頭 捕捉大自然最美一刻

漁護署舉辦「光影‧赤灣」攝影比賽,目的係宣傳香港美麗海岸海洋環境,以及生物多樣性,鼓勵市民親身走進大自然,透過鏡頭捕捉大自然最美一刻。比賽範圍就係赤灣一帶沙灘、泥灘、石灘、紅樹林等海岸環境。

呢度所講嘅赤灣,包括吐露港、船灣海及赤門海峽一帶,其中吐露港係香港新界主要內港之一,海港呈西南-東北走向,出口處為大赤門,海水從此處流進香港東北面嘅大鵬灣;至於船灣海就係一個內海,畀一堆島同山圍住,山有八仙嶺同橫嶺,島有鹽田仔、馬屎洲、東頭洲,半島有虎頭沙;而赤門海峽跟大赤門就係南中國海與吐露港以間唯一嘅連接水道,赤門喺在香港地理上亦有獨特之處,因其北岸沙頭角半島嘅岩石屬沉積岩,但其南岸西貢半島嘅岩石卻屬火成岩。

多樣化生態環境 孕育千五物種

呢一帶擁有開闊水域及棲息地,多樣化生態環境孕育出大1,500個海洋及海岸物種。其中汀角的紅樹林為全港面積第四大的紅樹林,亦於1985年被劃為具特殊科學價值地點,近年研究更發現一個以汀角命名的新物種——汀角攀樹蟹添。此外,馬屎洲特別地區及荔枝莊,都有獨特地質結構,適合不同年齡人士前往欣賞探索。

每年的參賽作品眾多,最後能夠脫穎而出,除咗要有純熟嘅技巧之外,仲就要花一啲心思同耐性,發掘呢一帶嘅獨特或有趣嘅一面,其中「公開組-地理景觀」嘅冠軍作品《泥涌日出》,就喺一個夏天嘅早上,拍攝泥涌日出映照積水綠草嘅景象;亞軍作品《希望光環》就聚焦於當地獨特嘅地質;季軍作品《三門仔漁排》就以晚霞襯托出三門仔漁排。三幅作品,展現出赤灣唔同地理面貌。

至於喺「自然生態」組別,則可以欣賞到呢一帶嘅生態多樣性,無論公開組冠軍《勇士》之中保衛家園嘅招潮蟹,亞軍《鐡咀沙鴴》短暫休息準備再出發嘅鐡咀沙鴴,季軍《雙魚惡鬥》水退灘塗上惡鬥嘅雙魚惡鬥,都令人感受到呢一帶動物嘅生命力

圖片提供:漁農自然護理署


「公開組-地理景觀」冠軍,關家興作品《泥涌日出》


「公開組-地理景觀」亞軍,陳嘉俊作品《希望光環》


「公開組-地理景觀」季軍,韓國禎作品《三門仔漁排》


「公開組-自然生態」冠軍,蔡惠霞作品《勇士》

「公開組-自然生態」亞軍,林棟材作品《鐡咀沙鴴》


「公開組-自然生態」季軍,任慧森作品《雙魚惡鬥》


「學生組-地理景觀」冠軍,張子健作品《石門光影》

「學生組-地理景觀」亞軍,梅兆恒作品《動.靜》


「學生組-地理景觀」季軍,李正謙作品《烏溪沙日落真美》


「學生組-自然生態」冠軍,吳嘉倫作品《弱肉強食》


「學生組-自然生態」亞軍,岑志鈞作品《拜佛蟹》


「學生組-自然生態」季軍,張衍傑作品《自己人食自己人?!》