近日土耳其一場足球比賽出現咗一幕奇景,由於賽事途中突然落大雪,所以身穿白衫嘅客隊球員隨即變成「隱形人」,令到觀眾同旁述都睇唔清楚佢哋。而賽事亦未因為惡劣天氣而暫停,所以一班觀眾就被迫睇足半場「超難睇嘅球賽」。


喺呢場由Sivasspor對上Basaksehir嘅比賽途中,突然如其來嘅大雪令草地鋪上咗一層薄薄嘅積雪。雖然比賽被未因為積雪問題而腰斬,但作客嘅Sivasspor球員卻因為全白嘅波衫而「隱形」,喺直播畫面中消失咗,令旁述同觀眾睇到眼花繚亂。


最後賽事以1-1打和完場,而賽事亦因此引嚟觀眾嘅熱議。佢哋都紛紛留言笑道:「呢個其實係客隊球員嘅策略」、「就好似打機嘅時候揀錯波衫咁」、「難得一見嘅冬日奇景」。


圖片來源:Twitter@cetincem