近日一位日本網民喺Twitter發文指,連日嚟嘅暴雪令佢屋企門口雪越積越厚,甚至塞住咗佢外出嘅道路,無奈嘅佢只好用鐵鏟挖出一條「雪之隧道」。而呢條隧道更被指似立山黑部嘅大雪谷,而成為咗網絡熱話。


該網民續指,自己因為懶得清理屋外嘅積雪,所以積雪先會有一個人嘅高度,並塞住咗外出嘅道路。而佢更喺Twitter上分享影片,以第一身視角帶大家經呢條「雪之隧道」,由佢屋企出到馬路旁嘅行人路。


「雪之隧道」曝光後,唔少網民都指隧道似立山黑部嘅大雪谷,並表示好想可以去參觀一下,佢哋更紛紛留言笑道:「一出門道可以見到著名景點真係好」、「係屋企門口打造出絕世美景」、「可以過嚟玩嗎?」。


「雪之隧道」影片:


圖片來源:Twitter@2784x