主人已經將寵物當係自己屋企人一樣,屋企人走失,肯定擔心不已。原本住喺美國田納西州嘅Pat Livesay,喺上年3月尾同愛犬Blue走失,Pat大受打擊,但遍尋Blue不獲,更因工作原因要搬去德州。本以為從此都搵唔返愛犬,點知一個機緣巧合下,Pat憑短片入面嘅藍色玩具,再次搵到Blue,令佢哋相隔200幾日後再次重逢!

走失嘅Blue原來不慎闖入民宅中,屋主將佢送入收容所,收容所嘅職員幫佢改名做Bone,仲影低佢嘅影片擺上網,希望可以為佢搵到新主人。機緣巧合下,Pat嘅朋友將呢段片俾佢睇,Pat見到片入面嘅藍色玩具,Blue亦有一個一模一樣嘅,於是Pat即刻聯繫收容所。

Pat同Blue喺大半年後再次重逢,呢個奇蹟般嘅相遇感動咗收容所嘅職員們,有職員表示:「我們很少看見這般的幸福結局,我們很開心Bone終於回到了主人身邊」。

圖:FB@Washington County, TN Animal Shelter