「今時今日咁嘅服務態度唔夠架!」就聽得多。但態度其實係雙向,顧客應該都要對從服務行業嘅人有同理心。

有商場職員向Facebook專頁「辦公室日報」投稿,指有家長唔見咗小朋友,年輕女同事要幫忙處理,但有惡客唔理解「發爛渣」,狠鬧女同事「一世都只可以做呢啲商場工!」令女同事委屈落淚。 

網民表示,自己另一名年輕女同事商場顧客服務櫃檯工作,正常情況下係足夠應付,但當日遇到一個顧客銀包,同時,女同事要處理一名小朋友家長,兩人都忙得焦頭爛額,令排隊人龍越來越長。 

解決兩大難題後,後面客人等得唔耐煩,開始「畀面色我哋睇」,其中一個男客人仲講埋粗口責罵女同事︰「打份咁簡單嘅工都做唔掂,吸下停車場飛,人哋問路就答,呢啲嘢有幾難做呀?」「咁都做到手騰腳震,你點做大事?」「你一世都只可以做呢啲商場工,你讀咁多書咪嘥晒啲錢?有冇中五畢業呀你?」,之後都有其他同事解釋返情況,但男客人繼續鬧女同事:「我唔想理你頭先搞乜鬼,手腳慢就手腳慢,你份工大把時間咋,我等住你吸張停車場飛去見客㗎!遲咗你賠唔起!」

男客人走後,投稿人見到女同事默默流淚。但兩三秒過後,女同事就即刻抹走眼淚。投稿人表示,「下一個客行埋嚟,小妹妹又再次用友善態度接待,我見到佢雙眼通紅仍然保持專業態度,除咗佩服,就只能輕輕掃下佢背脊安慰,當中有幾唔開心同埋委屈,只有佢自己心裡最明白。」

投稿人表示,女同事單親家庭,媽媽手部勞損暫時返唔到工,弟弟讀中學,女同事全家經濟支柱,「佢有嘗試搵其他工,不過疫情兼年尾絕對唔容易,想跳出去唔係一時三刻嘅事......所以小妹妹同事幾委屈都要吞落肚。」投稿人呼籲大家多體諒別人,少指指點點,因為每個人都有自己難處同故事 

詳情可到以下網址瀏覽︰

https://hkofficedaily.com/%e5%95%86%e5%a0%b4%e5%ae%a2%e6%88%b6%e6%9c%8d%e5%8b%99%e5%93%a1%e8%a2%ab%e9%ac%a7-%e6%8a%b9%e5%ae%8c%e7%9c%bc%e6%b7%9a%e7%b9%bc%e7%ba%8c%e5%81%9a/?fbclid=IwAR0159jPEZjTnMfnnjXG18qrEJ6iTvGXAmQMNhd2F5oSywg-OYEJOgOG-Bg

圖片來源︰Unsplash@Icons8 Team