持續一年嘅疫情，令人愈發注重飲食健康。《美國新聞與世界報導》（US News & World Report）一年一度嘅最佳飲食法榜單新鮮出爐！

喺2021年嘅榜單中，整體最佳飲食前三名同去年一致：

地中海飲（Mediterranean Diet）位居榜首；由美國心肺及血液研究所（NHLBI）制訂嘅得舒飲食（DASH Diet）同彈性素食飲食（The Flexitarian Diet）並居第二。

地中海飲食

普遍人都認為地中海沿岸居民壽命長，患癌症同心血管疾病嘅概率低，因此地中海飲食受到廣泛青睞，已經連續4年蟬聯最佳飲食榜首。多項研究顯示，遵循地中海飲食對身體健康有益，包括減輕體重，促進心臟同大腦健康，仲可以預防癌症、糖尿病等慢性疾病。 

地中海飲食餐餐要有蔬菜、水果、豆類、堅果、全穀物、橄欖油同香料；魚類同海鮮每周至少食2次；適量食用家禽、雞蛋、芝士同乳酪；遠離肉類及醣類；如果不得不飲酒嘅話，可以飲少量紅酒，當然唔飲酒係最好。同時，適量運動都係地中海飲食不可或缺嘅部分。

得舒飲食

得舒飲食係一種為咗降低血壓而被開發出來嘅飲食模式，因此自然喺心臟健康、營養同安全性方面獲得高分。除咗可以降低血壓、預防高血壓外，仲有研究顯示，得舒飲食可以提高高密度脂蛋膽固醇水平，降低低密度脂蛋白膽固醇同甘油三酸酯。

得舒飲食要求每日飲食中，鈉攝入量低於2.3克（相當於6克食鹽），並逐漸降低到每日1.5克（相當於4克食鹽）；提倡喺食譜中以精肉、家禽、魚類作為主要嘅蛋白質來源；均衡攝入蔬果、乳製品、穀物、豆製品、堅果、少量脂肪同甜食，因為呢啲食品富含鉀、鈣、蛋白質同膳食纖維，對於預防高血壓有很好嘅效果。 

同時，得舒飲食要求減少飽和脂肪攝入，例如脂肪肉及全脂乳製品，以及加糖嘅飲料同甜食。

彈性素食飲食

彈性素食飲食注重素食食譜中營養均衡，尤其適合熱愛素食人群，倡導五類食物均衡攝入，包括「新肉類」，即豆腐、豌豆、堅果、雞蛋；蔬果類；全穀物主食；乳製品；糖及香料。多食植物性食物而減少肉類食物，唔單止可以減輕體重，而且可以改善整體健康狀況，降低心臟病、糖尿病同患上癌症風險，從而延長壽命。

增加植物性蛋白質攝入可以有效降低血脂、血壓嘅指標。相比肉類，植物性食物中嘅脂肪同膽固醇含量更低，並且含有更多膳食纖維。烹飪時，要注意用油及鹽嘅用量，如果為咗菜品風味而重油重鹽，係不利於健康。

以上嘅飲食模式都係僅供參考，大家都應該選擇適合自己嘅飲食模式。其次飲食計劃都要配合日常運動。要評估運動消耗熱量同飲食攝入熱量係唔係匹配。一般來說，攝入熱量略少於每天消耗熱量係減重嘅理想狀態。 

資源來源︰《美國新聞與世界報導》（US News & World Report）