近日有日本網民喺 Twitter 發文指,自己早前去斬竹嘅時候,意外發現竹筒內含有大量呈碎冰狀嘅甜酒。呢種因竹筒內嘅糖液發酵,再因為天氣寒冷而成嘅天然「甜酒沙冰」更隨即成為咗網絡熱話,並引嚟一眾網民嘅熱議。


該名網民指繼指,自己砍竹時亦發現大部分竹都比平常重,估計很多竹節內部都因為化學作用而充滿「甜酒沙冰」,而佢亦笑指呢啲竹筒根本係「天然酒桶」。


事件曝光後,唔少網民都表示想試下呢款「甜酒沙冰」,佢哋亦紛紛留言笑道:「真正嘅竹筒酒」、「棵竹違反咗酒稅法」、「如果呢種情況蔓延開去,我諗每個人都會走去斬竹」。


圖片來源:Twitter@sawagani550cc