疫情一直未有緩和跡象,港人就唯有喺本地搵下小玩意,但就似乎玩出火啦…… 

疫情關係,位於馬鞍山白石高爾夫球練習場都喺暫停開放之列。但近日就有發現區內,有市民將「自然保育區」嘅海星灣泥灘當作高爾夫球練習場。 

網民Wsw Lp」(15)Facebook發文指,當日去咗烏溪沙海星灣玩,並潮退時發現有一大堆高爾夫球,帖文中質問「係咪疫情高爾夫球場唔開,要嚟泥灘玩,玩完又唔執走。玩還玩,唔好污染海洋嘛。」該名網民亦呼籲,「如果有朋友打開高爾夫球,幫下手share去啲高爾夫球群組,叫佢地唔好再咁做喇。」



上傳照片可見,泥灘上出現多個高爾夫球,而該名發文網民見到呢個情況,亦有幫手拾起高爾夫球。 

據悉,食環署發言人回覆傳媒查詢時指,署方去年315個優先處理地點,包括海星灣在內,安裝360度攝影機,遙距監察沖上岸邊海上垃圾數量,並因應實際情況而調整清理次數,以便更有效運用資源

根據馬鞍山分區計劃大綱草圖,2.5公頃土地劃作「具特殊科學價值地點」地帶,以保存保護具特殊地質價值景物。另外,11.9公頃土地劃作「自然保育區」地帶,包括白石陸岬東面西面部分,以及海星灣渡頭沿海地區,以保護保存區內現有天然景觀、生態系統、地形特色或文物古蹟。 

圖片來源︰FB@香港行山遠足之友