日本一位爸爸早年前突發其想,決定喺不同嘅季節帶囡囡參拜神社,並讓囡囡喺同一位置拍照留念。直到近日佢終於完成呢一輯橫跨5年嘅相片,並將其分享到Twitter上。而眼見囡囡由由幼稚園生長大成小四學生,一眾網民都十分感觸。



該位爸爸喺Twitter上指,自己2016年11月,以及2017年5月分別帶囡囡到奈良嘅長谷寺參拜。雖然兩次參拜,佢都恰好喺同一位置為女兒拍下相片,但背景卻季節嘅變更嘅關係而有所不同。而呢個分別亦啟發咗佢,並決定以四季為單位去記錄囡囡嘅成長過程。



直到2019年4月,以及今年1月,分別拍齊剩下嘅春季同冬季景色後,呢一輯照片就正式完成。而望住囡囡越嚟高,除負責影相嘅爸爸有深刻體會外,一眾網民都不禁大嘆:「孩子順利長大真係作為父母最期盼嘅事」、「小朋友真係大得好快」。


圖片來源:Twitter@shingo_camera