新冠肺炎疫情喺全球肆虐接近一年,相信各國嘅民眾都因此累積咗唔少生活壓力。有見及此,冰島政府就推出咗一個名為「Let It Out」嘅計劃,比大家喺冰島嘅荒野盡情尖叫,抒發所有嘅負面情緒。


大家可以到「Let It Out」嘅網站選定一個荒野地點,然後錄低自己嘅尖叫聲,並輸入名字同所在地區,你嘅尖叫聲就會即時透過一個位於冰島嘅黃色大喇叭播放。而除咗喺冰島嘅荒野大叫之外,大家仲可以喺網站上聽到來自世界各地嘅尖叫聲。


雖然受疫情影響,大家根本無可能親身去冰島,但呢個計劃總算為壓力爆煲嘅大家提供咗一個地方,比你可以係渺無人煙嘅地方盡快尖叫,紓解壓力。


圖片來源:Youtube@Inspired by Iceland