由於喺封城期間太無聊,英國一名男子就憑著自己20年嚟摺紙技術,摺出咗超過150隻動物。而佢近日更加將自己嘅作品送比醫院入面嘅病童,希望為病魔搏鬥嘅佢哋打氣。


任職兒童醫院男助護嘅 Alex Ray,自8歲起就跟父親學習摺紙,並一直視摺紙為興趣。而喺去年英國封城期間,佢就摺咗超過150隻動物,而當中亦不乏高難度嘅作品,例如一隻足足用咗一星期時間完成嘅穿山甲。


由於部份作品喺放置一段時間後,形態已不如當初完好,所以 Alex 索性同任職嘅醫院合作,將作品送比院中嘅小朋友,為佢哋打氣。而佢亦都在醫院網頁上教網友摺紙,希望同大家一齊分享摺紙嘅喜悅。


圖片來源:Facebook@Alex Ray Origami