水上飛機(香港)航空近日宣布成立,而佢哋亦計劃投資1億元,喺香港同大灣區提供觀光,以及空中的士服務。若果計劃成事,市民未來就可以喺18分鐘內,乘搭水上飛機由香港出發到大灣區嘅不同地點。


創辦人張敬龍表示,水上飛機(香港)航空喺一間服務大灣區嘅航空公司,計劃設11個航點,包括珠海機場、陽江、汕尾市、下川島、茂名等,而未來亦可能將航線拓展至東南亞地區。


每架水上飛機最多可載19人,觀光服務預料每程250元起。而空中的士服務則暫未定價,不過屆時乘客可以透過電話應用程式,選擇喺任何地點同時間上落機,充分實現⼀⼩時⽣活圈。


圖片來源:Youtube@Seaplane Hong Kong