企鵝雖然係鳥類,但就唔識飛,不過近日竟然有人影到企鵝喺天上飛嘅相?原來係一位日本網友,透過高超嘅攝影技巧,成功將喺水入面暢遊嘅企鵝,影到好似喺天空中悠游飛翔嘅企鵝咁,超可愛!

有個叫咗「空白寺」嘅網民,喺社交平台分享一組4張自己影到嘅企鵝相,仲發文表示:「池袋的企鵝真的在空中飛呢。」喺背景嘅對照底下,相入面嘅企鵝真係好似喺天上飛咁好自在。其實呢啲相係喺池袋嘅「陽光水族館」所影,由於水槽乾淨清澈,企鵝喺水中游水嘅樣,就好似翱翔喺城市背景一樣。於是網民靈機一動,等待無水波嘅時機按下快門,捕捉呢一刻。

唔少網友留言表示:「原來如此,企鵝會飛呢」、「看起來也像都市被水淹沒,企鵝在之中悠游」、「在空中游泳,在海中飛翔」、「太可愛啦好喜歡,怎麼看都不會膩」、「好想去看啊」。

圖:Twitter@空白寺