游冬泳已經唔容易,喺結咗冰嘅湖入面游水更加難,英國有位31歲男子Darcy Bell因為見到有狗狗被困喺結冰嘅湖面,毫不猶豫跳落水救起狗狗。不過Darcy就表示自己唔係咩英雄,只不過因為之前係運動員,慣咗喺冰水入面游水,但佢就唔建議一般人咁做,因為隨時可能引發休克而致命。

Darcy上個禮拜同鄰居喺屋企附近嘅公園跑步嗰陣,見到湖邊傳來騷動,佢起初以為係狗狗自己跳落水玩,但細看之下發現狗狗驚慌失措,仲越飄越遠。Darcy直覺大事不妙,即刻跳水破開湖面冰塊,接近緊張嘅狗狗,最後成功救起狗狗。Darcy認為自己破冰救狗,只係出於本能:「在對的時空做對的事。」現職工程師嘅Darcy提到自己之前係運動員,所以「在冰水裡游泳已經習以為常。」但佢呼籲:「若不習慣在冷水裡游泳的人千萬別這麼做」,因為隨時有可能會休克。Darcy更建議湖四周應該要設置安全護欄以免同類事件再發生,如果真係再發生意外,途人「可以試著丟根棍子之類的物件到湖裡,降低救援風險。」

幫Darcy拍攝救狗影片嘅Paula Town就大讚Darcy係「無名英雄,為公園受困的狗跟其家人解圍。」

圖:FB@Paula Town