近日美國有專家發現,關島上有棕樹蛇竟然以一種前所未見嘅爬行方式,破解咗專家為保護鳥類而設嘅「防蛇桿」。而呢一種獨特嘅爬行方式亦解釋咗關島上嘅棕樹蛇是點樣爬上電線桿,導致當地經常停電


根據外媒報導,為咗保護島上嘅原生鳥類,當地嘅專家就設置咗一個高91厘米嘅光滑圓柱體喺樹木同桿嘅外圍,阻止蛇爬上鳥巢吃咗鳥蛋同雛鳥。不過有攝影機就影到,一條棕樹蛇竟然識得將身體圍成一圈,如同套索一樣圍繞柱子,並緩慢扭動身體爬上「防蛇桿」。


辛辛那提大學蛇類動物運動專家 Bruce Jayne 指,棕樹蛇呢種爬行方式有別於普遍嘅手風琴式,而佢研究蛇類運動40年來,亦從未見類似情況。而有關研究已刊於《當代生物學》(Current Biology)。


有關研究影片:


圖片來源:Youtube@Cell Press