新冠肺炎擴散全球,無咩事都係唔好周圍走。但好快就到農曆新年,新年前嘅春運亦係內地交通最繁忙、人群最聚集嘅時候,內地有間公司就準備咗3000萬人民幣(約3599萬港幣),鼓勵員工留喺當地過年。

據內地傳媒報道,廈門一間科技公司日前宣佈,為咗響應廈門市及海滄區政府,推進防疫、生產「兩不誤、兩促進」,籌畫咗多項激勵措施鼓勵員工留廈過年。呢間公司按照人均5000蚊人民幣(約6000港幣)嘅人工,準備咗3000萬人民幣,吸引員工留低過年。公司亦會俾留低過年嘅員工父母發放慰問利是。除此以外,農曆十二月二十九日堅持返工嘅員工會有每人1000蚊人民幣(約1200港幣)嘅新年禮,亦設有每人1000蚊人民幣嘅春節全勤獎同1000蚊內嘅超產量獎,另外公司仲會舉辦100至500蚊人民幣不等嘅「開門紅」抽獎活動。據悉,目前該公司總共有5000幾名員工計畫爭取留喺廈門過年。

圖:網上圖片