新冠肺炎持續,消毒物品變成每家每戶必備物資,唔少人都鐘意用消毒噴霧清潔屋企。近日消費者委員會測試咗市面上15款多用途殺菌消毒噴劑,發現當中有12款樣本殺滅細菌及病毒率表現,比75%消毒酒精或稀釋漂白水低。樣本當中只有2款達4.5分水平,其餘樣本嘅殺菌及消除病毒感染力表現參差。

測試嘅樣本入面有9款聲稱殺菌率、消除病毒達99.9%至99.999%,但測試結果均未達到聲稱效果。消委會又測試按世界衞生組織建議配方製備嘅75%消毒酒精及含500ppm有效氯嘅稀釋漂白水溶液,顯示呢2種常用嘅消毒溶液,對付2種試驗細菌同樣達到99.999%殺菌率,抑制病毒感染力效能亦分別達到87.98%及99.83%。

消委會提醒市民,如果用於一般環境消毒,稀釋漂白水比消毒噴劑更經濟、效能高又可靠。

圖:網上圖片