美國一名以打破世界紀錄為樂嘅男子 David Rush,近日竟然大玩真人版《Fruit Ninja》,挑戰一邊拋刀一邊砍蘋果。而佢更加成功喺30秒內砍開21個蘋果,打破咗健力士世界紀錄。


從該影片中可見, David 喺拋接3把大刀嘅同時,仲要喺適當時機用其中一把刀劈開朋友扔過嚟嘅蘋果。最後佢一共砍開咗21個蘋果,打破雜耍演員Josh Horton 之前創下嘅紀錄,成為新嘅世界紀錄保持者。


雖然 David 至今已刷新逾150項紀錄,當中有包括30秒內拋接57次火劍,以及1分鐘彈16乒乓球入啤酒杯等,但一直以破紀錄為樂嘅佢都表示,今次砍蘋果嘅挑戰十分困難,自己更練習咗幾個月先掌握到箇中嘅竅門。


David嘅挑戰片:


圖片來源:Youtube@David Rush