近日一名港爸因為擔心一對入黑後仲未落到山嘅老夫婦,於是決定同友人一齊折返山上尋人。佢哋最後不但成功搵到兩位老友記,仲陪同兩人一齊落山,確保佢哋可以安全返屋企,而事後呢位港爸更獲一眾網民大讚。


該名港爸喺Facebook群組「香港行山遠足之友(吹水山谷)」中發文指,自己日前帶同小朋友行沙田黃牛山同水牛山時,喺峰頂位置遇到一對公公婆婆,並打聽到佢哋將經石芽山下到花心坑。不過當時已經接近下午4時天色漸暗,所以佢亦十分擔心兩位無帶備頭燈嘅老友記。


於是該名港爸喺落山安置好小朋友後,就回到山腰等候兩位老友記。不過等咗一陣都兩人蹤影後,該港爸就決定同友人上山尋人,並指「唔係自己都唔放心走」。幸好佢哋最後成功搵到位老友記,並陪同兩人一齊落山。


事件曝光後,唔少網民都大讚該港爸有心,並紛紛留言讚道:「好人有好報」、「小朋友嘅好榜樣」、「不單止幫了這對老人家,還幫了我們的消防員和救護,免得他們又要出動上山搜救」。


圖片來源:Facebook@香港行山遠足之友(吹水山谷)