新冠疫情期間,無得外出運動點算好?德國廠商製造嘅呢部環保人力跑步機Sprintbok可能幫到你。佢由實心硬木製成,無需電力驅動,只使用靈活嘅木板同滾珠軸承技術來實現戶外自然嘅跑步運動。Sprintbok係靠使用者嘅雙腿來驅動,即係話你跑得幾快佢就郁得幾快,而且噪音極低,基本上無需維修。

Sprintbok嘅跑步平台呈彎曲形狀,可以容許使用者跨得大步啲、衝得勁啲來提升難度。而為咗追蹤使用者嘅跑步進度、表現,廠商加咗個17.3寸嘅平板電腦,同兼容Sprintbok嘅應用程式。使用者可以由一系列預先設計嘅景觀跑步程式中,選擇自己鐘意嘅跑道模式同景色,增加練習樂趣。

圖:https://www.nohrd.com/