疫情下,好多家長為左解小朋友被困之苦會帶佢地到公園或者郊外玩。近日就有網民喺Facebook群組發文,指見到有幼童喺西九公園用沙灘玩具在草地上挖窿,其父母冇阻止之,更令網民母親跌倒。

該名網民facebook群組「生仔要考牌系列」發帖,上載一張圖文,表示到西九公園遊玩時,草地發現有一個窿,其母以為可能狗狗整到咁。後來佢地再回到原處發生意外,指「阿媽成個仆喺到」

佢地其後發現一位年約23女童,旁邊有外傭睇住,女童拎住沙灘用具,草地上挖出一個個窿,網民形容「仲要係唔淺㗎」。而在女童附近父母未有阻止佢嘅行為,網民表示,「其實咁樣好危險,無論小朋友狗仔大人都係,好多人喺嗰邊踢波放風箏,一時唔覺眼就會好似阿媽咁

網民認為女童唔係第一咁做,因為見到對方「一早攞定晒啲架撐」。佢又希望大家愛惜人狗共融嘅地方,又感嘆已經多餐廳室外都唔允許狗狗進入,擔心「遲啲可能連咁大嘅草地都唔俾狗狗㗎啦,人類們麻煩你哋」。 

其他網民見到此帖留言,指「難得香港有地方養得啲草靚靚地,好心有返少少公德心」,又留言指見到呢啲情況最好通知管理員。 

圖片及資料來源︰Facebook@生仔要考牌系列


網民圖文並茂說明當時情況,並呼籲大家愛惜人狗共融嘅地方。