香港人無論遇到幾惡劣嘅環境都要照常返工,而西班牙近日嘅情況就更加嚴峻!受新冠疫情同暴風雪雙重打擊下,西班牙首都馬德里交通幾乎癱瘓,有醫護人員要喺大雪中行14公里,花近2個半鐘先到達醫院工作,認真辛苦!

據外媒報道,風暴Filomena喺上個星期五(8號)襲擊西班牙,全國降雪量驚人,馬德里嘅雪勢更加係近50年來最大。呢場暴雪奪走咗全國至少四人嘅生命,影響約2萬公里嘅道路交通,數千人被困車內長達12個鐘。馬德里亦係西班牙疫情最嚴重嘅地區,每位醫療人員嘅工作量增加兩到三倍,以支援無法返工嗰同事。馬德里一間醫院甚至將健身室改成臨時宿舍,供無辦法返屋企嘅員工使用。

護士助理Raúl Alcojor表示,佢要步行14公里,花咗大概2個鐘又28分鐘先抵達市郊嘅醫院返工。但佢覺得自己唔可以再留喺屋企了,因為佢嘅同事已經連續返工超過24個鐘。喺Raúl Alcojor徒步返醫院嘅途中,被好多倒下嘅樹木、積雪(有時深達0.4米)所困擾,佢同自己講:「去吧。如果我能到,就會到得了。如果我做不到,我就轉頭」。

唔少醫護人員亦分享咗自己嘅經歷,佢哋甚至要步行20幾公里先到達醫院。

圖:網上圖片