好多家長都會重視小朋友嘅坐姿，發育期間坐姿唔好容易形成駝背。有網民喺Facebook分享，喺淘寶發現一件有趣坐姿矯正器，產品外形好似背住十字架咁。帖文一出，好多網民加入討論。

一位網民（7日）喺Facebook 群組「淘寶開心Share」分享一位小女孩用坐姿矯正器嘅圖片，並喺帖文表示「一路帶著，一路感受到神聖，亦改善了駝背」。

相中可見，小女孩背住由兩條木棍做成嘅十字架、矯正帶及綁帶組成嘅矯正器，挻起胸膛溫書。雖然達到唔駝背嘅效果，但整體感覺真係十分趣怪，年紀輕輕就要揹起十字架溫書，唔少網民替小朋友覺得辛苦。 

有網民認為小朋友唔應該用，感覺可憐，「細細個就要釘十字架」；亦有網民笑言「感受到神聖，突然笑到我噴茶」。又有網民認為呢個產品好似刑具，揶揄「會唔會送埋幾粒釘」。 

其實做運動都可以預防寒背，例如可以拉筋放鬆胸、背部肌肉，再以負重運動強化肌肉，改善姿勢。

圖片來源︰淘寶