美國麻省一名男子40年前喺市政廳一個銅像手上偷咗一把長劍,而直到近日佢先至良心發現,將長劍還返比當地嘅歷史文物委員會。雖然當地人早就以另一把長劍代替丟失嘅長劍,但呢個遲嚟嘅「完璧歸趙」總算讓該男子從悔疚中得到解脫。


根據外媒報導,該男子於1980年嘅某日,仲喺讀緊大學一年級嘅佢竟然因酒後亂性,強行扯斷咗18世紀將軍謝潑德(William Shepard)銅像上嘅長劍。雖然佢喺第二日己經知道自己闖下大禍,但唔知點樣歸還長劍嘅佢就索性將長劍帶返屋企,並一直掛喺大門口。


直到40年後嘅近日,佢喺執屋嘅時候就決定將長劍物歸原主,於是致電比當地歷史文物委員會嘅主席蓋洛(Cindy P. Gaylord),表明自己希望歸還長劍,從多年嚟嘅內疚同自責中解脫。而該男子亦藉著此事告誡人們,即使自己做嘅錯事不為人知,自己亦會受良心亦責備而覺得悔疚。


圖片來源:Don Treeger