唔知大家有無試過寫錯地址而寄失信件呢?近日有網民亦遇到類似嘅情況,不過佢將有關情況分享到Facebook群組後,一名熱心嘅郵差竟主動聯絡佢,並為佢尋回該封寫錯地址嘅信件。


該網民日前喺 Facebook 群組「大埔 TAI PO」發文指,自己早前於網上購物時,不慎在寫收件地址時寫漏咗一個字,令佢未能收到賣家寄出嘅信件。然而群組內一名熱心嘅郵差見到帖文後,竟主動聯絡佢提供協助,並將信件送回該網民手上。而該網民事後更興奮地表示「初初搬入大埔就感受到大埔人好有愛」。


事件曝光後,網民都大讚該名郵差熱心助人,並紛紛留言道:「寫下評語比番佢部門知啦」、「盡忠職守的郵差」、「郵差哥哥好好人,多謝佢」。


圖片來源:Facebook@大埔 TAI PO