辛苦返工一年有乜開心得過年尾派獎金?安徽阜陽一為老闆為獎勵員工,安排約50名員工去超市限時免費掃貨一分鐘,只要放喺購物車嘅商品都由老闆埋單。員工對呢個新獎勵方式睇法不一,有員工表示,呢個做法新穎,「比直接拿錢給你還要刺激」,亦有員工話:「在超市能搶到甚麼值錢的東西呢」。

活動一開始,多個員工衝向貨架,將心水貨品放落手推車入面,多數人搶購薯片、餅乾等。有員工表示,搶貨嗰陣好激動:「肯定高興呀,而且你搶多少都是你的」。雖然超市老闆事先要求,只可以搶100蚊(約港幣122)以下嘅貨品,易碎商品都唔拎得,但仍然有多名員工成功取得總值過千嘅貨品。

唔少網民紛紛表示羨慕:「我也想擁有這樣的老闆」、「能夠在員工捨得的老闆以後生意都不會差」、「錢不錢的不說,關鍵挺刺激的」。

圖:微博@封面新聞