只要一揮出就不會回頭重劍選手Coco連翊希就像一把劍向著劍擊之路進發不回望不後悔

本來連翊希(Coco一直都無諗過轉做全職運動員轉捩點大學三年班時候有一項亞洲劍擊錦標賽 23歲以下組別,佢喺比賽中攞咗金牌,呢個獎牌係佢參加劍擊以來第一個個人獎項,「那獎項告訴自己證明多年來的努力沒有白費我覺得可能我劍擊生涯剛剛開始,唔快完結所以畢業之後決定轉為全職運動員。」

不過,連翊希嘅選擇,卻受到家人反對:「一開始我同家人提出呢個念頭時,佢哋都唔係太支持,始終讀咗咁多年書,要暫時放棄做園景設計師呢條路,佢哋唔係特別喜歡,但其後我話俾佢哋知,做運動員,依家先係黃金時期,錯過咗就未必再有呢個機會,佢哋最後都明白,並支持我去行呢條路。」事隔幾年,Coco都好感激自己當年有呢個勇氣去選擇呢條路。

無論點樣勇往直前,喺疫症之前,佢始終都要暫時放慢腳步,但作為劍手,佢時刻準備隨時再出鞘:「以前我哋每個月都有一個比賽,無咁多時間去build up的體能,現在我哋比較著重呢方面,同埋睇睇以前嘅技術,有邊方面欠佳嘅,而家可以多啲時間去練習。」

今年3香港女子重劍隊會到成都參加比賽能否出席奧運 就看這一仗!連翊希重視嘅反而係比賽嘅表現:「能參加奧運又好,唔能夠參加奧運又好,都希望打出我哋最好嘅一場比賽!」