近日馬來西亞有研究人員將菠蘿葉,轉化成一種堅固嘅材料,並將其用於製作無人機框架,成功為當地農民丟棄嘅菠蘿葉搵到可持續用途。


根據外媒報道,博特拉大學嘅研究人員自2017年起就開始呢項研究,而直到近日佢哋先成功將菠蘿葉嘅纖維,轉化成一種適用於航空航天科技嘅材料。呢種材料不但具有更高嘅強度重量比,而且更平、更輕,以及及更易加工。


領導呢項研究嘅教授 Mohamed Thariq Hameed Sultan 指,用菠蘿葉製造嘅航拍機能可以飛到1000米嘅高空,並喺空中停留約20分鐘。就算無人機意外撞毁,其框架亦會喺兩星期內生物降解,唔會污染環境。


圖片來源:TRT