美國一位天生失明嘅7歲小女孩 Emrie,早前就因為點字版嘅《哈利波特》太貴而未能購買,然而失落嘅佢近日就獲得一眾有心人嘅捐助,並成功得到全套《哈利波特》,一完佢想親自閱讀呢本經典小說嘅心願。


由於 Emrie 嘅爸爸每晚都會講《哈利波特》嘅故事比佢聽,所以 Emrie 就對《哈利波特》十分著迷,並希望自己可以親自閱讀呢本小說。可惜嘅係點字版嘅《哈利波特》十分昂貴,淨係第一集就索價71.95美元(約港幣$561),令 Emrie 無辦法去購買。


眼見 Emrie 因為無法買到心頭好而失望,佢嘅姨姨 Katelyn 就係網上進行募款,希望可以幫助Emrie實現願望。估唔到募捐竟然獲唔少有人心響應,並令到 Katelyn 成功喺短短一個月時間內,籌集到4,226美金(約港幣$3.29萬)。而 Katelyn 買咗全套《哈利波特》送比後 Emrie 後,更加捐咗5本點字版嘅《哈利波特》比當地嘅圖書館同學校。


Emrie 收到點字版《哈利波特》時嘅反應:


圖片來源:Instagram@katescookieskc