行山本身係一件有益身心嘅事,但為咗打卡妄顧安全就變哂味啦!近日就有網民喺社交網站Facebook群組發帖,表示育兒及行山兩者關係值得深思。

網民「Malini Tai」(13就喺Facebook群組「香港行山路綫及資訊谷」發文,指當日下午兩點左右,經過黃牛石城,「見到有家長將小朋友(估計大概6-8)獨自放到石窗中」,然後家長落返黎,幫小朋友影相。又憶述指,期間小朋友幾乎喊咁濟,連續叫好驚。 

網民又表示,佢個人認為咁嘅打卡位係「好驚險」,小朋友嘅喊聲都令人不安,提出質疑「其實需唔需要為左影相,而做到咁呢?」。

網民表,當時自己「無即時同呢位家長反映」,指唔知人地係點樣教小朋友,並指「家長係咪當呢個係一個挑戰」,提出疑指,「或者係家長嘅認知中」,認為自己嘅小朋友有高度嘅接受能力。

此帖引起網民熱議。網民留言批,「又一生仔要考牌系列」、「咁樣會唔會搞到小朋友有陰影?」及「分分鐘鐘會害死佢」等,仲有網民留言指自己「上個月我都有去過,無擒出去影相,因為我都驚」,又有網民批評「個家長為左扼like,都唔理呢啲安全問題,都冇諗過小朋友嚇一嚇可能會叉錯腳好危險」。

圖片及資料來源︰Facebook@香港行山路綫及資訊谷