日前日本一名攝影師喺拍攝城巿夜景期間,意外撞跌咗相機腳架,但呢個意外卻令佢影出動漫《新世紀福音戰士》中嘅場景,而呢一個「失敗作品」更加因此成為咗網絡熱話。


該攝影師事後喺Twitter上分享「成功作品」,並指自己原本打算喺茨城縣日立市嘅一個山頭上拍攝城巿夜景,但拍攝影途中就撞跌腳架導致今次嘅意外。不過對比起「成功作品」,「失敗作品」反而更有驚喜,因為相中嘅房屋都彷彿向天射出一道道嘅激光,令成個城市都充滿未來感。


呢幅「失敗作品」曝光後,有網民發現相片同動漫《新世紀福音戰士》中嘅場景極為相似,並留言笑道:「那一天終於要來了嗎?」。而有網民亦發現相片同其他經典動漫中嘅場景相似,並笑指呢幅可能喺最強嘅「Fail相」。


圖片來源:Twitter@kappa_photo,Twitter@Chinu_panther