日本人同我哋一樣都有新年派利是嘅習慣,但比起傳統嘅紅色利是封,一位喺東京工作嘅哥哥近日有就選擇用凍肉膠盤裝好紙鈔,派一封另類嘅利是派比住喺鄉下嘅妹妹。


從相片中可見,呢嚿「凍肉」嘅價格本為20000日圓,但因為上面寫著「半價」,所以入面淨係裝咗一張一萬日圓嘅鈔票。而標籤上嘅細字亦都十分有心思,使用期限寫著「購買想要的東西時」、而正確保存方式就寫著「直至高中前都交給媽媽處理」。


呢封咁特別嘅利是隨即成為網上熱話,一眾網民亦都大讚該位哥哥有創意,並紛紛留言笑道:「你有無被妹妹問起半價嘅事?」、「標籤仲寫著『哥哥可以回收利是』」、「呢封利是整咗幾耐?」。


圖片來源:Twitter@Ani112358