由於喺疫情期間無得去旅行,所以唔少市民都會選擇行山作為假日活動。不過經歷早前元旦嘅3連假後,唔少熱門嘅山徑都堆滿垃圾,前新聞主播魏綺珊近日有更喺facebook發文指,自己行山時見到有人將3袋垃圾掛喺樹上,令網民都忍唔住直斥:「係林村許願樹?」。


從魏綺珊分享出嚟嘅相片可見,樹上不但有3袋垃圾,而旁邊嘅草叢亦有大量用過嘅紙巾,環境十分惡劣。而魏綺珊更喺貼文中指,自己「心裡講左句粗口,再暗暗詛咒呢啲人!」。


一眾網民都批評做出此舉嘅行山客的無公德心,並紛紛留言痛斥:「掛得上樹就囉埋落山啦」、「帶得上山如無能力帶番落山請勿再行山」、「吊喺度等人清?」。


圖片來源:Facebook@魏綺珊 Jo Ngai