屯門山景邨業景樓14日下晝有紙幣從天而降,當中有100蚊紙幣,都有50蚊同20蚊,亦有人指在場執到500蚊。據了解,一名男童一時貪玩將鈔票掉出窗外。 

事發下晝1點幾,景業樓一個高層單位有好多張鈔票被人掉出窗外,多名街坊目睹事件後,將鈔票拾回並交還管理處。警方隨後到場調查事件,但暫時未知涉及金額嘅總數。據了解,一名3歲男童趁父母瞓覺,發現枱上放有價值數千元鈔票,一時貪玩下將鈔票掉出窗外。

街坊黃女士受訪時指,下午3點幾,自己當時正喺樓下,期間有相熟嘅街坊通知佢返屋企「執錢」,又話佢聽其中一張一百蚊紙幣掉落喺佢單位嘅玻璃窗位置,黃女士指佢當時認為對方只係講笑。

黃女士表示,返到屋企拾起紙幣後,就即時交還俾管理處保安員。黃指,「唔好貪呢啲野」。 

另一名街坊葉伯就話,自己當時正喺公園乘涼。期間,發現有鈔票從天而降,當時一度以為有人係喺到灑溪錢。佢隨後發現相關紙幣涉及20蚊、50蚊、100蚊及500蚊,當中大部分鈔票飄落喺簷篷上,其後由清潔工人拾起並交到管理處。

圖片來源︰網上圖片