近日英國一名男子喺飲醉酒後,竟然上網為自己改名,將名字改成 Celine Dion,實行要同自己嘅偶像加拿大樂壇天后 Celine Dion 同名同姓。雖然事後佢仍然選擇保留新名,但佢嘅家人卻難以接受佢突然變成「天后」。


根本外媒報道,30歲嘅 Thomas Dodd 喺聖誕節當日,趁一時酒興以89英鎊(約港幣$943)喺網上申請改名成Celine Dion。隨後佢仲將呢件事忘記得一乾二淨,直至幾日後收到官方寄嚟嘅確認文件,佢先醒起自己曾在酒後做過呢件蠢事。


不過 Thomas 最後決定仍決定保留新名,並額外用咗80英鎊(約港幣$848)取得8張證書,希望未來有機會藉著同名同姓同真正嘅Celine Dion見面。


圖片來源:Twitter@ThomasDodd1