日本福島縣一個12歲小學生關本創,早年為咗幫媽媽解決浴巾難以晾乾嘅問題,就發明咗一個膠製嘅晾曬工具「乾幫手」令毛巾可以快速晾乾。而呢個發明更意外地獲生產商嘅賞識,並將於今個月內推出市面。


呢個名為「乾幫手」嘅發明其實係一個長35厘米、寬20厘米嘅圓筒形嘅膠圈,而佢嘅使用方法亦十大分簡單。用家只需要將「乾幫手」安裝喺衣架或晾衣杆上,再將毛巾放喺上面晾曬即可。而毛巾被「乾幫手」撐開後,就會因為空氣更流通而乾得更快。


其實「乾幫手」早喺2017年於福島縣發明展上展出,並於2018年成功申請專利。如今「乾幫手」被商品化亦讓關本創深感榮幸,而佢更希望自己嘅發明可以喺不同家庭中派上用場。


圖片來源:福島放送