日前有日本網民喺Twitter上指,自己同老婆吵架後,隔日就得到老婆為佢精心準備嘅「復仇便當」,而呢個完全食唔飽但又充滿創意嘅飯盒更加令到佢哭笑不得。


從相片中可見,呢個便當除咗只有白飯同梅干外,白飯同筷子更加係互換咗位置。少量嘅白飯被塞咗入筷子盒,而筷子反而被放咗喺飯盒入面,實在相當搞笑。


事件曝光後,唔少網民都留言大讚該網民嘅妻子有創意,並紛紛留言笑道:「將白飯塞入咁細嘅筷子盒裡都需要一定嘅技巧」、「整呢個飯盒可能仲嘥時間」、「我估你老婆應該係邊笑邊整呢個飯盒」。


圖片來源:Twitter@musubito3