每年臨近年尾,小偷賊仔特別多,但如果係以下呢種「賊仔」就無人會嫌多。美國有個窮學生因為買唔起傢俬,同女朋友喺街邊執咗兩張被棄置嘅餐椅返屋企,點知就喺平安夜當晚被人偷走。幾日之後,消失嘅餐椅竟然以光鮮亮麗嘅樣再出現喺窮學生家門前,仲有一張解釋字條,令呢對情侶感動不已。

美國新墨西哥州大學嘅學生Conrad Duran,同女朋友喺街邊執咗兩張餐椅返屋企之後,就放喺車庫門外,然後出門返工。點知再返屋企嗰陣,就發現餐椅不翼而飛,兩人於是以為已經被賊仔偷咗。過咗幾日之後,Duran再同女友返屋企探親,竟然發現之前消失嗰兩張餐椅重新出現返,仲要全部重新粉刷過,換埋新坐墊,簡直煥然一新。餐椅上面貼有解釋字條,Duran睇完之後好感動,非常感激好心人送上嘅呢份年尾禮物,仲話呢種無私善舉喺疫情下分外難得。

圖:Twitter@KRQE News 13