新冠肺炎重挫全球旅遊業,以旅遊業為重要經濟支柱嘅泰國,旅遊業收入大跌,為促進新一年嘅旅遊業發展,泰國內閣會議決定喺2021年增加部分特別法定假日,其中包括中國農曆新年。

泰國文化部長Ijk Pong表示,為咗促進旅遊業發展,內閣會議同意增加多個特別法定假期,包括2021年2月12嘅中國農曆正月初一。佢表示,民眾喺長假期間嘅出遊頻率同消費水平普遍會增加,有助刺激各地區經濟增長,並帶動國內旅遊業發展。

新增嘅其他法定假期仲有4月12號額外增加嘅潑水節假期,7月27號守夏節嘅補假,9月24號紀念已故泰王蒲眉蓬父親瑪希敦逝世之日等。

圖:中新網