近日冷鋒襲港,對於活喺貧窮線以下嘅基層來講,寒冷天氣無疑令佢地生活雪上加霜。 

銀杏館過去一個月都為一班有需要人士忙前忙後,包括日以繼夜接收衣物、分流整理,接聽電話、招待個案選衣、跑到各區擺檔送寒衣,又聯絡唔同地區嘅社福機構及地區組織,希望佢地可以喺疫情期間同寒冷天氣下都可以得到援助。銀杏館喺Facebook專頁表示,「嚴峻疫情下決定將餐廳食堂變身二手衫回收站,目的就是希望將溫暖帶入社區,讓更多貧窮的基層能夠受惠」。 

銀杏館表示,30日一整天,銀杏館已送出超過二萬件衣物。銀杏館表示,「尖沙嘴一帶人流稀疏,寒風中上班一族都趕著歸家」,但香港文化中心一帶仲有一班露宿者,當晚社工同義工送上禦寒衣物俾佢地。更希望達到「有心人轉贈到銀杏館的禦寒衣物不留一件地送到弱勢社群手上」。

另外,喺30日,銀杏館將寒衣分別送到唔同地區嘅弱勢社群,包括九龍城、荃灣、葵青、觀塘、旺角、何文田、沙田、土瓜灣、葵芳、葵盛、油尖旺、大埔、元朗、深水埗、黃大仙。 

詳情可瀏覽「銀杏館Love Project愛心行動」:

www.love.org.hk 

圖片來源︰Facebook@銀杏館


「GingkoVan 外展送遞寒衣服務」。


有van出van,義務運輸。