民政事務總署1229日已提醒市民為寒冷天氣做準備。民政署29日已經喺各區開放共十八間臨時避寒中心,俾有需要嘅市民避寒。 

天文台未來幾日嘅天氣預測,氣溫會突然下降,特別喺除夕同元旦兩日,有機會驟降至攝氏78度。天氣寒冷,加上疫情嚴峻,長者同長期病患人士可能會有較大風險,民政事務總署呼籲市民,特別係長者及長期病患者,要注意加衣保暖,盡量留喺屋企。

民政署及各區民政事務處亦已經聯絡各地區團體、社福機構、街坊會等,請佢地主動接觸有需要嘅長者同人士,提醒佢地天氣轉冷,並為佢地提供協助。 

如長者或長期病患者喺呢幾日需要特別嘅膳食安排,可以打電話俾社署熱線(電話:2343 2255)或民政署熱線(電話:2572 8427),或聯絡地區團體。

為確保入住臨時避寒中心人士可以喺寧靜及不受干擾嘅環境下休息,任何市民或團體如果希望送贈物品俾入住者,要先聯絡中心職員進行登記,然後將物品放喺指定嘅室內地點。中心職員會協助通知入住者有關安排,俾佢地自行領取所需物品。

圖片來源︰香港天文台