美國鋼琴家韋德加(Matthew Whitaker)雖然天生失明,但卻十分擅長即興彈奏。韋德加嘅才能更令加州大學一班神經科學家特此進行研究,並發現佢喺聽到音樂嘅時候,大腦會借用視覺嘅神經區塊去感知音樂,令佢做到過「耳」不忘。


18歲嘅韋德加一出生就因為患有先天性視網膜病變而導致雙目失明,但年僅3歲嘅佢首次接觸電子琴嘅時候,就已經展現出音樂天分,而佢經過老師教導後,11歲更開始走訪世界各地演出。最厲害嘅係,任何樂曲韋德加只要聽過一次,就可以跟著彈奏甚至自創新曲。


為解開韋德加過「耳」不忘嘅秘密,加州大學嘅研究團隊就透過進行核磁共振掃描,去比較了佢嘅腦部喺「聽音樂」同「聽演講」時嘅不同反應。結果團隊就發現韋德加大腦嘅視覺皮層喺聽演講時沒有顯著活動,但一到聽音樂嘅時候,成個腦部都借到刺激,可以話係非常神奇,亦都可以話韋德加天生就係一個鋼琴家。


圖片來源:Twitter@_MattWhitaker