政府資科辦開發及管理嘅一站式個人化數碼服務平台「智方便」昨日(1230日)推出,所有11歲或以上嘅本地居民一經登記成為用戶,就可以使用20多項常用政府及公用事業嘅服務,例如兩電一煤嘅網上服務。預期到2021年年中,超過110項政府網上服務採用「智方便」。 

副政府資訊科技總監黃志光表示,平台作為方便市民嘅工具,未來大部分政府服務都可透過「智方便」登入,如身份認證登入網上服務;自動填寫表格如地址、聯絡電話同電郵;個人化提示例如帳單到期提示,以及數碼簽署。 

黃志光表示,市民需要用具有生物認證功能嘅智能電話,提供身份證及真人拍照做比對,先可以登記平台,強調唔會儲存有關臉部特徵資料,完成比對後就會消除。 

「智方便」流動應用程式支援iOSAndroid作業系統及已啓用生物認證嘅流動電話,市民可以免費下載使用。 

詳情可到「智方便」網站瞭解︰

www.iamsmart.gov.hk

圖片來源︰由「智方便」網站擷取