呢一年大家都過得好艱難,加拿大有好心人就趁住平安夜借聖誕老人嘅名義,為社區嘅居民送上打氣詩同價值250加元(約港幣1512蚊)嘅超市禮品卡。當地大約有400戶居民收到類似嘅信封,有收件人甚至感動到喊出嚟。

一位收到神秘聖誕老人信件嘅居民Leigh-Ann MacNaughton喺社群媒體發文指,一覺醒來喺門口樓梯發現一張豐厚嘅禮品卡,入面仲有一首詩,內容大意係新冠肺炎過去幾個月奪走大批人命、多月以來民眾艱苦度日,但相信出年會更好。MacNaughton睇完信表示自己喊咗成朝,而附近嘅鄰居亦收到類似嘅信。

加拿大廣播公司向呢位神秘聖誕老人發電郵詢問,對方回覆話:「我決定這麼做,是因為我知道很多人這一年過得很困苦,而我有能力助人一臂之力」、「我希望這些禮物讓人們感受到,這世界是美好的,並且更光明的未來就在前方不遠。」

圖:CBC